港聞

港聞二

【Emily】事前獲批 湯家驊同美國總領事食晏

【明報專訊】中央政府9月對美國採取反制措施,限制美國外交人員喺中國嘅活動,包括美國駐港澳總領事館人員。自由黨黨魁鍾國斌9月時就講過,原本打算同美國駐港總領事史墨客會面,知會外交部駐港特派員公署時,公署話唔係適當時候會面。不過,Emily噚日就見到行政會議成員、民主思路召集人湯家驊(Ronny)同史墨客喺金鐘一間酒店度食晏,似乎無咩避忌。Emily事後向Ronny查詢,佢話會面已獲得公署批准。

至於傾咗啲咩,Ronny話對方關心香港情况,正如佢關心美國情况一樣。史墨客都有問佢有傳人大會定出「愛國者」標準、將會DQ民主派議員一事,Ronny話佢向對方講解咗自己嘅觀點,內容同佢公開講嘅差唔多。

早前Emily有問過熟悉國家政策嘅人,對方解釋唔係唔可以同美國外交人員見面,而係要向外交部駐港公署申請,要經過審批。

上 / 下一篇新聞