港聞

港聞二

【Emily】明年年宵檔只賣濕貨 競投底價凍結

【明報專訊】喺疫情唔知幾時絕迹下,食環署噚日公布,繼續辦2021年農曆年宵攤位嘅公開競投,仲話明年攤位競投底價會繼續凍結於去年水平,即2019年底價嘅一半,攤位底價由320元至5440元不等;年宵市場由明年2月6日至2月12日,一連7日喺15個場地舉行,共設有1021個濕貨攤位,但就不設乾貨及快餐攤位。

食環署話,因應疫情發展,及為紓緩以往年宵市場人多擠迫嘅情况,有必要調整年宵市場規模,因此年宵市場只提供面積較大嘅濕貨攤位,集中賣年花。由於除口罩進食會增加病毒傳播風險,故花市不設快餐攤位。食環署又話,會按需要擴闊公共通道,以紓緩擠迫情况同減少近距離接觸。

花市攤檔競投下周二(17日)起分期舉行,睇番各區花市,東涌達東路花園及西貢萬宜遊樂場花市嘅檔位,底價320元最平;最高底價係維園,有175檔,底價5440元。

上 / 下一篇新聞