港聞

港聞二

【Emily】上庭作供要除口罩 袁國勇話有啲危險

【明報專訊】政府抗疫督導委員會專家顧問、港大微生物學系講座教授袁國勇除咗幫助政府抗疫,噚日仲去咗高等法院,同「徒弟」港大微生物學系臨牀副教授杜啟泓先後為DR美容集團誤殺案出庭作供,杜教授率先完成作供,但佢堅持等埋「師父」先一齊離開法院。

Emily問到袁教授點睇法院防疫措施,做唔做得足。袁教授就話「OK啦」,可以接受,但係就驚佢自己平時工作接觸太多病人同病毒,驚除口罩作供會「惹到其他人」。

案件主審法官張慧玲庭上確係請袁教授除口罩作供,袁教授當時不諱言:「Remove? It's a bit dangerous!」(除低?有啲危險喎!)當然佢最後都有聽法官話,除口罩隔住透明膠板作供。

相關字詞﹕高等法院 DR美容誤殺案 香港大學醫學院 微生物學系 杜啟泓 袁國勇

上 / 下一篇新聞