港聞

港聞二

【Emily】陳兆陽做老襯 YouTube直播婚禮

【明報專訊】每逢年尾都有唔少人拉埋天窗,今次就輪到沙田區議員陳兆陽,佢喺網上透露將會喺本月29日結婚。疫情下,雖然政府放寬參加婚禮人數,但都只係得50人可以觀禮,唔少人都會直播婚禮,等更多人可以分享喜悅。陳兆陽喺帖文中透露,屆時佢哋都會喺YouTube直播婚禮,誠邀朋友一齊同佢哋分享喜悅、見證人生重要時刻。

除咗陳兆陽之外,原來西貢區議員黎銘澤日前都結婚同擺酒,新民主同盟范國威喺facebook上載相片,顯示多名區議員手持「西貢區議會仝人熱烈恭賀黎銘澤議員喜結良緣」橫額,佢哋婚宴上除咗有PEPE青蛙公仔,仲有一張心意卡,上面寫住過去一年多籌備婚禮嘅日子,正值香港風雨飄搖之時,同賓客分享愛嘅同時,都希望守望過去日子追求公義嘅同路人咁話。Emily喺度恭喜晒陳兆陽同黎銘澤!

相關字詞﹕婚禮 區議員 疫情

上 / 下一篇新聞