港聞

港聞二

【Emily】民政處唔派 區議員三無大廈裝洗手液

【明報專訊】新冠病毒疫情年初爆發後,多個區議會都有撥款購買防疫物資,希望幫到當區居民。中西區區議員彭家浩(Jordan)前日喺facebook話,區議會早前通過撥款建議,購買酒精啫喱搓手液畀區內住宅、商業大廈同街市商戶,但民政事務處派發物資時,就唔包括「三無」大廈,即係無業主立案法團、無居民組織、無物業管理公司嘅大廈。

現行機制派唔到,Jordan就決定親自上陣,自己揹住一大袋酒精啫喱搓手液,走入唐樓等「三無」大廈,用繩將酒精搓手液綁喺樓梯扶手(圖)、鐵閘門邊等,「務求三無大廈的居民出入也可唧搓手液,保持衛生」。

Jordan喺帖文加入hashtag「三無但一有」、「有區議員」,相信住戶都感受到Jordan呢份心意。

相關字詞﹕搓手液 新冠病毒疫情 彭家浩

上 / 下一篇新聞