港聞

港聞二

【Emily】限聚下從簡 和平紀念日儀式 區議員:花圈有段古

【明報專訊】每年11月第二個星期日係本港嘅「和平紀念日」,噚日中環皇后像廣場和平紀念碑有獻花圈同默哀儀式,悼念二戰死難者,多名區議員都有出席,包括中西區區議會主席鄭麗琼、屯門區議會主席陳樹英、葵青區議員張文龍(Dennis)等。Dennis話因為限聚令等原因,今年儀式只能從簡,時間亦縮少近半,場面略為冷清,佢覺得好可惜。

Dennis話參加呢個儀式有四五年,佢研究過各界獻嘅花圈,話裏面都反映唔少歷史細節,例如大部分花圈會用上英聯邦傳統用開嘅紅色虞美人花(小圖),但愛爾蘭反而會致送綠葉圈。Dennis解釋,因為英國同愛爾蘭曾經打仗,所以為咗同英國保持距離,愛爾蘭就唔會選用虞美人花。特首林鄭月娥噚日亦有致送花圈,林太選用白花加綠葉圈,同樣無用紅色虞美人花。

相關字詞﹕鄭麗琼 二戰 和平紀念日

上 / 下一篇新聞