港聞

港聞二

【Emily】打卡熱點壁畫村 出自老友記手筆

【明報專訊】社署「老有所為活動計劃」鼓勵老友記發揮所長,今年獲獎項目之一係博愛醫院陳平紀念長者鄰舍中心嘅「耆藝樂同行」,原來近年市民「打卡」熱點元朗錦田壁畫村嘅壁畫,係由長者義工過去兩年喺日灑雨淋下畫嘅,除咗不時要企幾個鐘,有時甚至要爬梯。

推跨代共融

明愛社區中心獲獎

一年一度嘅「老有所為活動計劃」頒獎禮因疫情改做網上直播。明愛鄭承峰長者社區中心(深水埗)嘅「左鄰右里繫深中」奪得2019至20年度全港最佳「一年計劃」冠軍。計劃用體驗方式鼓勵長者參與活動,招募唔同團體合作推動跨代共融、鄰里互助。

其中一個活動由青少年義工同有認知能力衰退嘅長者設計食譜、買材料同煮食。患上認知障礙症嘅婆婆秀蓮健康轉差後無得踏足廚房,參加計劃後再次揸起鑊鏟,仲煮到生炒排骨,女兒好驚訝媽媽原來寶刀未老。

上 / 下一篇新聞