港聞

港聞二

【Emily】生日被揭食美心蛋糕 鄭松泰:係啊好食

【明報專訊】熱血公民立法會議員鄭松泰(泰博)噚日37歲生日,佢喺facebook上載咗張對住生日蛋糕許願嘅相,話「今年生日無特別要求,希望大家可以早日去日本旅行,返家鄉探親」。相中蛋糕就成為網民焦點,因為蛋糕嚟自美心西餅,有人留言問係咪美心,泰博話「係啊,好食」,結果畀部分網民留言質疑,好似有人話「睇黎鄭生都放棄左香港」。

惹網民質疑 泰博:黃絲不可理喻

面對大批留言,泰博就再出post,話佢親身證實一次,點解「黃絲」大部分時間咁不可理喻,又話自己生日被問點解食美心蛋糕,「作為一個邁向中年嘅國際年輕學人,我係咪要打兩千字去回應呢類指訴(控)呢」,呢個post亦有成逾500個留言,有人建議佢應該食同屬美心集團嘅東海堂蛋糕,有人話「終於都明點解咁多人唔鍾意熱狗」。

相關字詞﹕美心西餅 生日 鄭松泰

上 / 下一篇新聞