港聞

港聞二

【Emily】泰博食晏用外賣膠盒 黨友籲改陋習

【明報專訊】立法會大會舉行之日,唔少議員都會買外賣留喺立法會大樓內食飯。熱血公民鄭松泰(泰博)噚日上載咗一張食晏相上facebook,只見泰博坐喺立法會5樓嘅小花園,攞住本《經濟學人》(The Economist)來讀,但大家嘅注意力似乎放咗喺枱上嘅外賣膠飯盒。同屬熱血公民嘅鄭錦滿就留言,問泰博知唔知塑膠垃圾問題有幾嚴重,叫對方花心思改變陋習,「唔幫環境都幫下啲無知選民棄少件膠垃圾」。

噚日正值美國大選點票,泰博本來想叫大家估一下邊個候選人會登上《經濟學人》嘅下期封面。點知鄭錦滿用「長輩tone」留言叫泰博減廢,「香港人一定感受你的心意的,萬謝」。泰博就影咗張便條回應鄭錦滿,上面寫住如有任何意見,請打電話畀嗰間連鎖餐廳。有網民加入討論,笑問鄭錦滿係咪藍絲。

相關字詞﹕立法會 熱血公民 鄭松泰

上 / 下一篇新聞