港聞

港聞二

【Emily】去慶回歸惹質疑 趙家賢:為監察撥款

【明報專訊】區議會過往每年都會撥款舉行慶回歸活動,黃之鋒喺facebook上載圖片,顯示周一(2日)喺東區慶祝國慶71年青少年大匯演活動嘅請柬中,出席者包括東區區議會副主席趙家賢,話原來𠵱家民主派嘅區議會副主席會出席國慶活動做主禮嘉賓。

趙家賢話,活動多年來向東區區議會申請撥款,今年改由民政署直接贊助,出席係希望了解活動點解拒絕接受區議會監督,及監察係咪有需要繞過區議會撥款。佢話活動冠名「大部分經歷政權打壓的香港人絕不會慶祝的所謂節日」,決定出席時都會考慮政府或假借議員未有出席為藉口,將所有相關活動撥款繞過區議會。

另外,何君堯喺立法會提問,話個別區議會拒絕籌辦、撥款資助慶回歸及國慶活動,民政事務局長徐英偉話,去年民政署及各區民政處舉辦過百個慶回歸、200個國慶活動,見到今年區議會社區參與計劃下,申請數目、批出款項大降,回歸活動近六成申請被否決,國慶活動都有近四成。

相關字詞﹕趙家賢 民政事務總署 回歸 民政事務局 國慶 何君堯 黃之鋒 香港人 民主派

上 / 下一篇新聞