港聞

港聞二

【Emily】消費權益新聞 明報膺獲獎最多傳媒

【明報專訊】消費者委員會「第20屆消費權益新聞報道獎頒獎禮」噚日舉行,《明報》成為歷屆獲獎最多嘅傳媒機構(報紙/雜誌),而《明報》記者冼韻姬先後獲獎17次,成為累積獲獎數目最多的記者,獲大會頒發20周年榮譽大獎。《明報》記者許芳文、朱韻斐、黃心悅則憑「基因檢測消費陷阱系列」報道奪得「文字組別(調查報道)」優異獎。

基因檢測陷阱報道今屆奪獎

今屆消費權益新聞報道獎一共收到155份作品,大會噚日頒發40個獎項。消委會主席林定國致辭時話,好彩政府之前放寬咗可以6人同枱,否則頒獎禮就會好似「麻將王大賽」咁要4人一枱。佢話頒獎禮已舉辦20年,今日起將喺香港新聞博覽館設展,回顧過去得獎作品。

商務及經濟發展局長邱騰華致辭提到,自新冠病毒疫情爆發後,曾經一個口罩都難求,而消費者買口罩除咗涉及消費權益,亦涉及消費知識,最近連本地遊都有參觀口罩廠行程。

佢又話最近興起Staycation(住宿度假),但有消費者租酒店房時「用到盡」,當正係派對房間,而濫用消費權益唔止影響自己,仲影響埋個社會。

上 / 下一篇新聞