港聞

港聞二

【Emily】麥天傑《非常道‧零》 奪日本國際漫畫獎銅獎

【明報專訊】香港漫畫家再度揚威國際,第13屆日本國際漫畫獎頒獎禮日前舉行,漫畫家麥天傑嘅作品《非常道.零》(圖二)獲頒銅獎,係第10名獲獎嘅本港漫畫家。麥天傑對獲獎表示深感榮幸,認為係一種鼓舞。佢話漫畫以至出版業前景日漸低沉,希望可以盡力多創作、拋磚引玉,吸引更多創作,推動本地漫畫業持續發展。

第10位港漫畫家奪此獎

該獎係日本外務省於2007年創立,目的係表揚積極喺日本海外推動漫畫文化嘅漫畫家,冀通過漫畫促進各國交流。今屆有來自66個國家及地區共345部作品參賽。日本駐港總領事館大使兼總領事和田充廣話,每年都收到好多來自港澳地區嘅優秀作品,希望麥天傑得獎會令一眾港澳漫畫家感到鼓舞,創作更多出色作品。

過去得獎嘅香港漫畫家包括李志清、劉雲傑、黎達達榮等。商經局創意香港助理總監袁賽芳話,麥天傑獲獎再一次肯定「港漫」,又透露第三期「香港漫畫星光大道」將推介18名漫畫家,包括麥天傑。

相關字詞﹕日本駐港總領事館 日本外務省 非常道.零 麥天傑 日本國際漫畫獎 漫畫

上 / 下一篇新聞