港聞

港聞二

【Emily】中大盧煜明、江培勇 膺全球「20頂尖轉化研究科學家」

【明報專訊】中大醫學院副院長(研究)及化學病理學系系主任盧煜明,同化學病理學系助理教授江培勇,獲權威科學期刊《自然生物科技》選為「2019年全球20位頂尖轉化研究科學家」,盧教授已連續4年獲此殊榮,佢同江教授分別位列第4同16,而位列榜首嘅係今年諾貝爾化學獎得主、生物化學家Jennifer Doudna。

「無創產檢之父」連續4年獲嘉獎

呢個排名係顯示佢哋將醫學基礎研究成果,有效地應用喺臨牀技術或藥物上。盧教授有「無創產前檢查之父」之稱,佢研發嘅唐氏綜合症無創檢驗方法被90多個國家採用。佢同團隊又喺2017年完成研究,透過分析血漿內EB病毒DNA,有效咁喺未有病徵前診斷鼻咽癌;隨後一年佢哋用新一代測序技術檢測,更有效同準確推行大型癌症檢測。

江教授則研究「DNA甲基化」,即DNA嘅一種生物化學變化。「DNA甲基化」變異係癌症出現其中一個信號,其團隊就此開發一個生物信息平台為多種癌症做無創早期檢測。

上 / 下一篇新聞