【明報專訊】社會撕裂令唔少政見唔同嘅家庭難和睦相處，政圈「袁氏一家」成員光譜好闊，噚晚播出嘅港台《鏗鏘集》訪問呢家人，人民力量前主席袁彌明（Erica）形容自己係激進民主派，大家姐袁彌望就話自己「淺黃偏中間黃」，二哥袁彌昌自稱中間派，「阿嫂」新民黨容海恩（Eunice）自稱愛國愛港建制派，至於近日打「國際線」嘅袁爸爸袁弓夷就話自己「黃到金」。Eunice話喺家庭聚會聽到佢哋討論都無發表意見，會坐埋一邊；袁彌望讚Eunice有修養，話大家喺屋企口沫橫飛討論政事，Eunice 都係坐喺隔籬笑，佢都不得不佩服。