港聞

港聞二

【Emily】容海恩孖局長霍啟剛踩單車

【明報專訊】屯門至馬鞍山單車徑近日貫通,唔少市民急不及待試踩,立法會議員容海恩(Eunice)噚日約咗發展局長黃偉綸、港協暨奧委會副會長霍啟剛由元朗出發,齊齊試吓呢條單車徑。黃偉綸話自己踩咗幾十次,但都係一段段咁踩,「一日踩晒(單車徑),冇咁嘅本事啦」。翻查資料,屯馬線長60公里,踩畢全程大概要6小時。

體驗一段屯馬線單車徑

霍啟剛話最近比較少踩單車,以前讀書就成日踩,尤其鍾意踩越野單車,「外國讀書真係攞住架單車上山下海」,所以今次獲邀都好開心。

唔少人點出屯馬線單車徑嘅問題,包括似「斷橛禾蟲」、中間冇樹蔭等,Eunice就整理十大「伏位」,包括推單車多過踩單車、路口人車易撞、冇路牌、洗手間太少等。佢笑言局長都踩到身水身汗,因為單車徑都要上落斜;又建議設立單車地圖同App,方便車友出行,同埋令單車徑可作本地遊之用。黃偉綸話會返去努力跟進。

相關字詞﹕霍啟剛 體育 年輕人

上 / 下一篇新聞