港聞

港聞二

【Emily】記住歷史 區議員趕睇「香港故事」

【明報專訊】香港歷史博物館常設展覽「香港故事」今起關閉裝修,預計兩年後重開,唔少政圈中人紛紛趁展覽關閉前入場參觀。元朗區議員王百羽日前去參觀後,上載咗「香港重光」、「香港在辛亥革命中所扮演的角色」兩部分嘅描述同紅樓照片,話最擔心係有啲展品「被消失」,又呼籲去過參觀嘅人留言話畀人聽,最記得邊部分展覽。

荃灣郊區社區主任譚蓓欣睇完就慨嘆「香港真係好靚」,話即使睇相都覺得好靚;佢話如果噚日去唔到,歷史博物館亦會喺12月中推出濃縮版,「希望到時歷史未被篡改」。佢又話,要保留真實歷史,除咗相片同文字,口耳相傳都係方法,呼籲市民繼續將事實傳開去。

上 / 下一篇新聞