港聞

港聞二

【Emily】鄧家彪爭連任勞顧會勞方委員

【明報專訊】現屆勞顧會委員任期將於年底屆滿,新一屆5名勞方代表選舉展開,工聯會鄧家彪噚日報名競逐連任。反修例運動後大量新工會成立,這批工會能唔能夠整合成一股力量,衝擊勞顧會席位,成為焦點。

有關選舉截止報名日期係本月20日,下月21日投票,任期兩年,每個合資格工會代表可選投5個參選人。勞顧會委員包括僱員及僱主代表,負責就勞工事宜向勞工處畀意見。資方代表就簡單啲,由5個商會組織推舉代表。

鄧家彪同Emily講,預計原本5個勞工代表嘅組織都會再派人出戰,但未知一批新工會會點樣嚟搶灘競逐。佢話勞顧會選舉係可以投全票,即揀足5個候選人,所以如果夠票嘅話,理論上可以全取5席。

今屆勞顧會有幾項重要事項未埋尾,鄧家彪話最希望劃一勞工假及銀行假,唔好要用10年時間;另一項係取消強積分對冲。

相關字詞﹕新工會 鄧家彪 勞顧會

上 / 下一篇新聞