港聞

港聞二

【Emily】等咗近廿年 大埔明年底有戲院喇

【明報專訊】大埔居民有好消息,區內嘅大埔超級城預計喺下年底有戲院開業,估計會有4個影院,到時戲迷就唔使去到粉嶺、沙田先有戲睇喇。新民主同盟大埔區議員任啟邦噚日同Emily講,大埔區將近20年冇戲院,屬18區內嘅少數;而新一間戲院起咗超過10年,當中遇上補地價、被學校投訴等阻滯,居民等到「頸都長」。

任啟邦話,戲院喺興建之初接到附近學校反對,話驚戲院會掛出三級片等兒童不宜嘅宣傳海報,不過佢認為呢個擔心唔太合理,因𠵱家戲院嘅宣傳大部分都好正常、整潔。任啟邦話,戲院選址以前係停車場同酒樓,建築過程曾遇上技術問題;又形容大埔區係「文化沙漠」,相信有戲院會方便到居民生活,同時刺激周邊嘅經濟消費。

相關字詞﹕戲院 任啟邦 大埔

上 / 下一篇新聞