港聞

港聞二

【Emily】劉鳴煒:兩場社會運動 均非青年課題

【明報專訊】MWYO創辦人兼總監劉鳴煒(左)噚日接受「theDesk」訪問,回顧2014年雨傘運動、去年反修例運動,佢唔認同社會事件同青年問題之間存在因果關係,認為兩次運動都唔係「青年課題,參與嘅可能有好多青年人,但係去年有好多場面都有唔係青年人(在場)」,話如果將事件定性為「青年問題」,甚至希望用青年工作去解決社會運動背後嘅問題,「係諗得太簡單」。

劉鳴煒話兩次大型社會運動都離不開政改、中港元素,當中牽涉唔單止係青年就業、房屋問題,但同意大家只能猜測背後究竟係政治定係社會經濟因素多一啲。

劉鳴煒有博士學歷,佢自爆高中前讀書成績唔好,到最後一刻先發憤讀書,然後考入法律系,但佢認為只要學生讀感興趣嘅科目,就一定可以考獲高分。佢表明睇唔過眼香港嘅教育制度,批評制度會「框死」年輕人嘅發展空間,而大學收生、公司請人等都以學業成績測量學生潛力,做法好差。

相關字詞﹕青年 劉鳴煒

上 / 下一篇新聞