港聞

港聞二

【Emily】記者質疑講大話 管浩鳴:對得住天地良心

【明報專訊】台灣殺人案疑犯陳同佳出獄至今快將一年,協助佢嘅聖公會教省秘書長管浩鳴早前透露,陳同佳期望本月內可以赴台投案,噚日有傳媒影到管牧現身位於金鐘嘅台北經濟文化辦事處,手持一個透明文件夾,內有申請簽證表格,寫住辦理人為陳同佳,另有一本特區護照及陳同佳嘅身分證。多名記者問管牧係咪幫陳同佳辦理入台證,佢只話係「有點私人事情」;佢再被追問與陳同佳赴台有冇任何關係時,管牧話「我暫時不想回應。有進一步消息再通知大家」。

不過,多名記者指出管牧手持陳同佳嘅身分證同簽證文件,有人質疑佢仍表示係私事,難以說得過去,並引用多句《聖經》經文送畀管牧,包括「耶和華啊,求你救我脫離說謊的嘴唇和詭詐的舌頭!」、「說謊言的嘴為耶和華所憎惡;行事誠實的,為他所喜悅」等。管牧其後表示,相信自己所做嘅一切「對得住天地良心」,話唔想爭拗「公事」定「私事」,只係暫時無法回答提問。

相關字詞﹕台北經濟文化辦事處 管浩鳴 陳同佳

上 / 下一篇新聞