港聞

港聞二

【Emily】立會加強保安 多道門加裝拍卡器

【明報專訊】立法會噚日開始新一個會期嘅首次大會,Emily發現,部分過往可以順暢推開嘅門,噚日就要拍卡先可以出入,原來都係出於保安考慮。立法會秘書處回覆Emily表示,自從立法會去年7月1日、2日遭闖入後,行管會委聘保安顧問,全面檢討立法會大樓整體保安,為方便進出及人流管理,秘書處分別喺立法會1樓宴會廳外通道嘅兩對木門、地下大堂通往立法會花園嘅玻璃門加裝咗讀卡器。

秘書處話,一般情况下,持有立法會發出嘅有效通行證人士,包括議員、公職人員、秘書處職員及記者等,都可以拍卡通過。

除咗上述保安措施,行管會早前通過加裝閘機,秘書處話立法會地下、1樓、1M同2樓都會增設閘機,配合上述保安需要;有關工程將由建築署負責,以及承擔工程費用。

相關字詞﹕玻璃門 建築署 保安 立法會

上 / 下一篇新聞