港聞

港聞二

【Emily】CY fb列教師資料 葉建源研申禁令 私隱署接17投訴

【明報專訊】頻頻狙擊教育局、要求局方公開被裁定專業失當教師名單嘅全國政協副主席梁振英(CY),前日喺facebook列出18個涉同反修例示威有關、報稱教師嘅被告資料,引起唔少迴響,唔少人更發起向fb舉報呢個帖文。教育界立法會議員葉建源噚日形容CY做法瘋狂,批評咁做會喺教育界內帶來「文革式批鬥」,會研究申請向CY發出禁制令嘅可能。個人資料私隱專員公署就話,截至噚日上晝一共接獲17宗相關投訴,會根據既定程序處理。

葉轟CY文革式批鬥

葉建源認為,CY只係想為自己爭取政治本錢,呼籲大家唔好轉發有關帖文,教育界亦唔好受呢件事影響;仲認為CY嘅做法喺「人情事理」上都唔被容許。Emily噚晚睇,CY fb暫時仍有該帖文,並錄得約2100次分享。有網民噚日呼籲大家唔單止要舉報CY嘅帳號,應該要直接寫電郵畀fb嘅客服,投訴該帖文係「威嚇」、「煽動仇恨」等。

相關字詞﹕教師 葉建源 梁振英

上 / 下一篇新聞