港聞

港聞二

【Emily】提明日大嶼灣區投票等4議題 阿尹反惡法橫額 地政指涉淫褻不實

【明報專訊】民主黨立法會議員、葵青區議員尹兆堅早前喺荃灣眾安街掛咗一幅橫額,當中提及「明日大嶼 萬億公帑倒入海」、「大灣區投票 選舉被操縱」等共4項議題,阿尹在橫額上寫道自己會堅守立法會,力阻上述「惡法」極速通過。點知收到荃灣葵青地政處向佢發信,話橫額違反《路旁展示非商業宣傳品管理計劃實施指引》中的「不得展示任何淫褻或意識不良的宣傳品」、「宣傳品的內容須與申請表所述的相同」兩項規定,要求阿尹移除相關橫額。

尹:打壓言論空間 不會移除

荃灣葵青地政專員要求阿尹兩日內自行移除橫額,否則當局會移走橫額,而且唔會事前通知,但食環署可以向阿尹追討相關費用。

阿尹對於地政處嘅做法深感不滿,形容發信係「用一啲垃圾理由,硬要打壓言論空間,只要係反對政府嘅項目,就話我不適宜掛(橫額)喺街上」。

阿尹又話橫額上講明日大嶼、大灣區投票、健康碼,全部都係特首林鄭月娥講嘅議題,質疑內容點解會屬「淫褻」,質問地政處:「咁大膽以下犯上?還是無睇新聞瞓咗覺?」阿尹表明佢唔會移除橫額,亦唔會繳交罰款,至多最後上法庭抗辯。

相關字詞﹕林鄭月娥 荃灣 尹兆堅

上 / 下一篇新聞