港聞

港聞二

【Emily】陳曼琪倡港台伙央視搞「我要上春晚」

【明報專訊】《港區國安法》實施超過3個月,港區全國人大代表陳曼琪噚日同部分傳媒講,香港過去喺推廣國家安全教育上「唔及格」,流於口號式,並提出多項建議,包括建議香港電台開設有關國家安全嘅頻道,製作電視、電台同新媒體節目宣傳,以宣傳國家安全教育,並將國家憲法、《基本法》同埋國家安全嘅推廣教育等,加入港台約章。

陳曼琪話,國家安全教育亦要以軟性手法宣傳,建議港台同中央電視台合作,舉辦每年一度嘅「我要上春晚」港區選拔賽,勝出者可以參加央視春節聯歡晚會節目。

建議港台開國家安全頻道

除咗港台,陳曼琪又建議喺中小學同高中通識教育科加入憲法、基本法同港區國安法教育等;並向公務員提供相關職前同在職培訓,要通過考核作為聘用必要條件,又話所有官員、立法會議員同區議員等,亦要申報外國政治聯繫。

相關字詞﹕香港電台 國家安全 陳曼琪

上 / 下一篇新聞