港聞

港聞二

【Emily】清潔龍阿德威廉王子TEDx講氣候變化

【明報專訊】天文台前台長岑智明、清潔龍阿德同英國劍橋公爵威廉王子有咩共通點?原來佢哋嚟緊將齊齊就氣候變化演講。話說「 TEDxTongChong St」今個星期四(15日)中午12點半會有facebook live,主題講氣候變化;由本地環保人士同全球專家一齊倡導實現可持續未來,並強調如果大家當下唔行動,人類將面臨更可怕嘅結果。

節目請嚟岑智明演講,主題為「雲中的信息」,岑智明會細數佢當年經歷嘅10號風球,氣象變幻對香港以至世界嘅啟示、忠告。節目亦搵咗清潔龍阿德講「尊重環境」、威廉王子講「行動的10年」,仲請嚟氣候與數據科學家Angel Hsu講「氣候與城市」。當中,威廉王子同Angel Hsu嘅演講係預先錄影。今次fb Live由「TEDxTongChong St」舉辦,「TEDx」意指獨立、自發組織嘅TED項目。

上 / 下一篇新聞