港聞

港聞二

【Emily】田二少實測單車徑 感受中止待續威力

【明報專訊】元朗至上水單徑上底開通,近期成為市民暢遊熱點。實政圓桌田北辰都去趁熱鬧,佢同黨友由元朗出發,踩咗其中11公里路段。佢話聽聞呢條新單車徑「一波三折」,要身先士卒探路,話上晝11點由元朗單車匯合中心(黃屋村公廁附近、元朗西鐵站J出口)出發,踩到上水雙魚河休憩處,晏晝1點完成。田二少話喺立法會成日畀民主派提出「中止待續」阻延會議,今次踩單車亦感受到「中止待續」嘅威力!佢話自己跟足安全規矩指示,沿路粗略計算要落地推車至少40次。

兩小時踩11公里 推車40次

田二少其實都年屆70,話平時放假都會帶孫去踩單車,但今次挑戰新單車徑,同事估佢一定踩唔完,最終佢都可以用兩個鐘踩完,又話新單車徑有啲地方同標示要改善。

另外,警察周六日亦喺新單車徑推廣單車安全信息,話今年1至8月,新界北總區單車意外比去年同期升咗47%,包括7宗致命意外,本月涉及嘅意外已超過40宗,提醒大家遵守交通法例同單車安全規則,特別喺馬路交界位,要推單車橫過馬路。

相關字詞﹕單車徑 田北辰

上 / 下一篇新聞