港聞

港聞二

【Emily】防護中心總監 黃加慶放一個月大假

【明報專訊】疫情下,衛生署衛生防護中心係主力抗疫部門,大家幾乎每日都喺430記者會見到衛生防護中心傳染病處主任張竹君,中心總監黃加慶就較少現身講解疫情。有朋友話畀Emily知,外面傳黃加慶醫生「唔撈」,嚇咗Emily一跳,於是急忙去查政府網頁資料,發覺黃醫生原來由今個月4號開始休假,直至下個月11日。

點解疫情之下黃醫生會放一個超過一個月嘅大假呢?Emily擔心佢係咪出咗乜嘢事,例如身體抱恙等。有兩個消息人士都話畀Emily知,叫唔使擔心,黃醫生係真係放大假,有一個朋友仲好幽默咁話,黃醫生係放現時好興嘅「住宿假期」(staycation)。

衛署話按一貫機制安排署任

傳媒關心黃醫生,衛生署都好認真咁回應,話黃醫生目前正在休假,衛生署已按一貫機制作出相應署任安排。

上 / 下一篇新聞