港聞

港聞二

【Emily】六合彩維持每周一次 逢周四攪珠

【明報專訊】疫情下馬會嘅六合彩都要暫停幾個月,直至上月24日先恢復攪珠,但只係每逢星期四舉行一次。馬會噚日宣布維持每周攪珠一次嘅安排,今晚攪珠後,未來3期攪珠將定於10月15號、22號同29號,有意買個橫財希望嘅讀者就要留意喇。

投注站仍然無得買

馬會話,今晚攪珠結束後就開始發售15號嘅六合彩獎券,不過疫情關係,暫時仍然只接受網上同電話投注六合彩,不設場外投注處現場買六合彩。

如果未有馬會戶口又想投注嘅,馬會話顧客可以去場外投注處設定馬會電子錢包、開設或重啟投注戶口及辦理轉帳服務,以方便購買獎券。

上星期嘅六合彩頭獎二獎無人中,今晚攪珠嘅頭獎基金估計有1400萬元。

上 / 下一篇新聞