港聞

港聞二

【Emily】五申見囚友不果 邵家臻斥懲教削探訪權

【明報專訊】自從第三波疫情爆發,懲教署由7月底開始暫停所有議員公務探訪。一直關注囚友權利嘅社福界立法會議員邵家臻噚日喺facebook出文,斥懲教署以疫情之名,剝削公職人員公務探訪權力,仲剝削埋在囚者見議員嘅機會。

邵家臻話,雖然懲教署有「特別公務探訪」可以申請,但十居其九都被拒絕。佢個個禮拜都收到有囚友申冤,想佢入去見面,但邵家臻次次申請都被拒絕。

佢仲記錄低,自7月24日到噚日,申請過5次見9個囚友都失敗告終。佢表明會將被拒嘅累積次數紀錄定時更新,即刻「和你數」。

另外,邵家臻噚日又徵集「寫信師」,幫在囚者配對筆友。佢話,「和你做筆友」由今年1月至今已成功配對420對筆友,寄出超過3000封信畀「手足」,希望透過計劃提供平台畀牆外手足聯繫牆內手足,「不要讓手足孤單」。

相關字詞﹕公務探訪 懲教署 邵家臻

上 / 下一篇新聞