港聞

港聞二

【Emily】揸國旗玩滑翔傘 EQ「愛的迫降」賀國慶

【明報專訊】疫情持續及限聚令下,建制派喺剛過去嘅國慶假期未有大事慶祝,民建聯立法會議員葛珮帆(EQ)噚日就喺facebook上載「葛珮帆@石澳版愛的迫降 香港要再起飛」短片,原來佢前日去咗石澳玩滑翔傘,喺飛行期間手持國旗賀國慶。

EQ同Emily講,佢同朋友原已計劃要用呢個特別方式慶祝國慶,原本喺上月25號飛,但撞咗財委會召開特別會議,之後連續多日落雨,最終定咗喺前日(4號)起航,呢次係佢第一次玩滑翔傘。

EQ形容佢跟朋友走捷徑「爬上山」,當日喺天上飛咗20幾分鐘,如果風勢夠可以再玩耐啲。EQ話,之前都有玩過笨豬跳等有離心力嘅玩意,今次玩滑翔傘完全唔驚、無驚險事,形容最辛苦就係爬山。EQ又大讚原來香港風景咁壯觀,從空中俯瞰石澳,見到海水清澈,靚到好似明信片上嘅外國海灘咁。

相關字詞﹕滑翔傘 國慶 葛珮帆

上 / 下一篇新聞