港聞

港聞二

【Emily】張超雄鬧羅致光 講遠火唔救近火

【明報專訊】勞工及福利局長羅致光噚日寫網誌,談及本港未來人口高齡化。工黨張超雄隨即喺facebook批評,話羅致光係掌管安老政策嘅最高級官員,批評對方對目前受困苦嘅年老體弱長者,究竟做咗啲乜:「掌權的人不作為,卻有餘暇去分析和評論未來只會更大鑊,這是什麼為官之道?」

局長出帖講10年後高齡人口問題

羅致光喺網誌話,85歲或以上嘅「高高齡」人口目前不斷增加,但10年後先「顯真章」;又預計2049年起會增至80幾萬人,係目前數目嘅4倍,佢仲輔以兩張圖表解說人口增長。羅致光話,如果𠵱家唔能夠應對人口高齡化帶嚟嘅安老服務需求增加,10年後就更難以想像。

張:逾7000長者等院舍期間死亡

關心弱勢社群嘅張超雄就批評羅致光,話羅指出安老政策必須調整,但佢唔係評論員,係負責安老政策嘅官員。張超雄話,上年香港超過7000個長者喺輪候津助院舍期間死亡、部分私營院舍服務劣質、社區及家居照顧服務嚴重不足、照顧者壓力爆煲導致倫常慘劇等,羅致光都要負上責任。

上 / 下一篇新聞