港聞

港聞二

【Emily】曾DQ小麗 郭偉勳接任駐武漢辦主任

【明報專訊】年初新冠病毒疫情喺武漢爆發,當地封城,唔少外地人趁封城前趕番家鄉,香港駐武漢辦主任馮浩賢(左)揀咗留喺當地,支援滯留武漢嘅港人。馮浩賢3年任職期滿,即將離開武漢,佢話同武漢人民共同抗疫嘅日子,成為佢人生寶貴嘅經驗同回憶,仲話武漢會係佢第二個故鄉。馮浩賢嚟緊會交棒畀郭偉勳(右),郭偉勳做過九龍西選舉主任,喺2018年立法會九龍西補選裁定劉小麗提名無效。劉小麗之後提選舉呈請,最近終院裁定,郭偉勳當年冇畀劉小麗解釋立場,有違程序公義同選舉公平。

內地中新網報道,2017年9月出任駐武漢辦主任嘅馮浩賢周二(9月29日)出席離任酒會,佢提到自己派駐武漢前冇駐外經驗,而隨住工作逐漸深入,對武漢嘅印象同感情亦愈嚟愈深刻。

上 / 下一篇新聞