港聞

港聞二

【Emily】陳日君見教宗撲空 籲為港任命好主教

【明報專訊】天主教香港教區主教一職懸空超過一年半,88歲嘅香港教區榮休主教陳日君樞機本月專登飛去梵蒂岡,希望親身會見教宗方濟各,但最終只可交低一封信畀教宗秘書。陳日君樞機本月26日接受天主教刊物《天主教國民周刊》(National Catholic Register)訪問時話,香港嘅整體氣氛非常政治化,想提醒教宗,香港人需要一個好好嘅牧羊人出任主教。

「希望唔會太側重考慮政治」

陳日君受訪時話,希望教宗會為香港任命一個真正好好嘅主教,唔會太側重考慮政治問題,而長達一年半嘅主教懸空期,已有傳言梵蒂岡嘅政治考慮多於實際需要。佢話希望教廷會原諒佢對呢件事嘅焦慮。

梵蒂岡舊年推出《聖座關於中國神職人員民事登記的牧靈指導》(pastoral guidelines),針對中國內地嘅主教要提交民事登記申請嘅指引,並即將會更新。陳日君喺訪問提到仍然對《指導》感到擔心,覺得梵蒂岡鼓勵神職人員加入愛國教會,指好多地下教會嘅神職人員忠於天主教區,𠵱家卻等同「自首」。

相關字詞﹕梵蒂岡 陳日君

上 / 下一篇新聞