港聞

港聞二

【Emily】教資會網上記招 無讀出涉政治提問

【明報專訊】疫情下,唔少記者會都用Zoom舉行,噚日大學教育資助委員會(UGC)傑出教學獎嘅記者會都唔例外。噚日大會聘請嘅公關公司安排記者先將提問WhatsApp畀公關人員(PR),再由在場主持代問。Emily噚日WhatsApp咗3條問題畀PR,其中包括喺《港區國安法》下,得獎者有冇覺得學術自由受損、萌生去意,以及近年學生多涉政治,教師應該如何應對等,但PR就無讀出本報提出涉及政治嘅提問。

PR:配合主題 教學有關優先問

PR事後回應,話由於簡報會時間有限而傳媒提問眾多,為配合簡報會主題,優先處理與教資會傑出教學獎及得獎者教學心得有關嘅提問,如記者仲有其他嘢想問,樂意協助聯絡得獎者。

Emily先問3條題目,PR讀出一條有關獲獎項目嘅問題,其後Emily再追問相關資訊,PR都有代為補問;但去到記者會結束,涉政治嘅問題PR都未有代為發問。另外,有記者原本問及過去一年多反修例運動及疫情,有冇令得獎者有離港打算,主持人讀出提問時,就改成疫情及過去一年香港艱難時刻(difficult time),問學者回應。

相關字詞﹕傑出教學獎 教資會

上 / 下一篇新聞