港聞

港聞二

【Emily】裝一盞交通燈等8年 區議員:官僚害人

【明報專訊】油塘區議員王偉麟喺facebook批評運輸署官僚,油塘商場「大本型」2012年9月落成,出面馬路每日人來人往,市民等足8年後先有一盞交通燈喺年底準備落成」。一名75歲食環署外判清潔女工,星期二就喺呢支即將落成嘅交通燈附近畀車撞到,輾過雙腳昏迷,家屬話可能要截肢;婆婆放工返屋企途中出意外,冇勞工法例保障。

七旬女工遇車禍 恐要截肢

「其實整交通燈真係咁難?需要8年先起好?」 王偉麟話唔能夠保證有盞燈就零意外,但因為規劃疏忽、施工慢,令8年都未搞掂一盞燈,實在不能接受。佢形容婆婆係官僚制度嘅受害者,「過幾日就中秋節,我不能想像婆婆一家人應該怎過今年的中秋節」。

王偉麟又話上址附近嘅茶果嶺道近油塘消防局,1月發生致命交通意外,佢約運輸署視察,要求該處加設紅綠燈,署方答覆要等油塘灣起好樓先整燈,最快都5、6年後。

相關字詞﹕運輸署 區議員

上 / 下一篇新聞