港聞

港聞二

【Emily】戴黑框眼鏡 鄧炳強話為增殺氣

【明報專訊】唔少市民對警務處長鄧炳強(一哥)戴嘅黑色粗框眼鏡(圖)印象深刻,原來一哥以前係戴無框眼鏡,因為覺得書卷氣「重得滯」、「唔夠殺氣」,後來就換咗粗框眼鏡。

噚日民建聯立法會議員葛珮帆(EQ)訪問一哥,入正題之前,EQ先同一哥玩「快問快答」。EQ話一哥副黑框眼鏡好多市民都好鍾意,「覺得好有型」,問係邊個買同戴咗幾耐。一哥就話係自己買嘅,戴咗粗框款眼鏡已經7、8年,因為覺得無框眼鏡唔夠「殺氣」,所以轉戴黑框眼鏡。EQ就話唔覺得呢個黑框眼鏡夠殺氣,仲話「呢個幾靚仔吖」,一哥即刻笑到瞇埋咗眼。

EQ又問一哥覺得自己定係江sir(輔警支援課高級警司江永祥)靚仔啲,一哥就笑話呢個要問番EQ,又話或者要整個網上投票。EQ問一哥係咪曾經有8嚿腹肌,一哥就話最好時都有6嚿腹肌,𠵱家就得番一嚿。

相關字詞﹕葛珮帆 江永祥 鄧炳強

上 / 下一篇新聞