港聞

港聞二

【Emily】上門派「餸菜包」 太古撥1400萬助基層

【明報專訊】新冠病毒疫情下,唔少基層市民生計受影響,太古集團慈善信託基金噚日宣布,額外撥款1400萬元畀旗下社區計劃「信望未來」支援弱勢社群,包括延續食物援助計劃。喺今年9月同10月,「信望未來」計劃會為深水埗、觀塘等地區嘅有需要社群,上門派發新鮮「餸菜包」;整個社區計劃希望可以惠及超過10萬人。

除咗食物援助,到咗出年3至12月,太古基金亦打算喺荃灣等地區開設攤位,為貧困家庭提供儲值卡,有需要嘅人亦可以到場免費換取食品同生活必需品。

另外,太古基金亦會為18間設有寄宿服務嘅特殊教育學校,以及8萬名劏房住客提供消毒塗層服務。

「信望未來」計劃喺今年上半年展開,當時已捐出1500萬元,推行派發「餸菜包」等項目。

上 / 下一篇新聞