港聞

港聞二

【Emily】議員齊玩吉卜力改圖 呻工作辛酸

【明報專訊】吉卜力工作室日前開放作品劇照畀公眾使用,唔少網民發揮創意改圖,當中包括多名政界中人,佢哋將劇照配上對白,反映日常地區工作。Emily發現,佢哋最多用嘅係《千與千尋》、《崖上的波兒》劇照,較多被提及嘅議題係呻民政事務總署唔發還開支。

沙田區議員黃文萱上載咗11張劇照,講解自己日常地區工作,包括將《崖上的波兒》一張好多海洋垃圾嘅劇照,配上「當發現(第)一城嘅回收搞到好亂……」;又將《千與千尋》劇照,配上「當民政話我claim錢form又寫錯……」對白。

油尖旺區議員李傲然都將《千與千尋》中,千尋流住眼流食飯團嘅劇照,配上「今個月民政又遲claim錢,出晒糧俾(畀)同事自己無錢開飯」。

西貢區議員何偉航就用《崖上的波兒》圖片,話其他香港人以為西貢人周末會出海開「船P」,但事實上西貢人周末會留喺屋企自閉,因為唔想塞車同人迫。

相關字詞﹕崖上的波兒 千與千尋 吉卜力 民政事務總署 區議員

上 / 下一篇新聞