港聞

港聞二

【Emily】不滿村代表每季僅獲津貼$2680 鄉事要求同政府「講吓數」

【明報專訊】新界鄉議局噚日開會,荃灣鄉事委員會建議向政府爭取增加村代表嘅津貼。根據現行規定,政府每季會向村代表發放2680元津貼,即平均每月有893元。西貢鄉事委員會王水生喺會上批評,咁嘅價錢代表「政府鄙視我哋」、「搭巴士都唔夠」,又指區議員一個月人工都有幾萬元, 話鄉議局係時候「發揮鄉下佬精神,(同政府)講吓數」。

本身循鄉議局界別進入立法會嘅鄉議局主席劉業強就話,會向政府爭取,暫時未有一個金額調整目標。睇番荃灣鄉事委員會嘅文件,佢哋認為村代表作為官員同市民嘅橋樑,角色重要,主要職責係代表所屬鄉村反映意見;喺目前社會環境下,村代表面對更具挑戰嘅環境,「希望政府可以尊重每一位村代表嘅辛勞,並給予合理嘅對待」。

相關字詞﹕津貼 村代表 鄉議局

上 / 下一篇新聞