港聞

港聞二

【Emily】盧偉國呢頭寄競選資料 嗰頭選舉押後

【明報專訊】政府噚日傍晚宣布押後選舉,政府宣布決定前,唔少參選人仍然繼續做競選工作,好似競逐連任工程界嘅經民聯主席盧偉國,佢噚日寄出咗首份競選郵寄資料,又感謝提名佢嘅125名不同專業,資深或年輕嘅工程師,並公開咗提名名單,包括發展局前局長馬紹祥、安樂工程主席潘樂陶同市建局主席周松崗等。

參選金融服務界嘅亨達集團主席徐聯安前日深夜亦喺facebook話,「全力備戰,絕不鬆懈」,佢形容「長跑精神」係賽事一日未停,都全情投入,「唔Hea跑」。

參選港島區嘅希望聯盟袁彌昌噚日朝早繼續拉票,佢喺政府開記者會宣布押後選舉前嘅半小時喺fb出post,話不久之後「就會決定香港未來嘅方向」,佢做街站時嘅心情非常沉重,但只可以繼續向市民拉票,話會繼續用行動去面對群眾。

相關字詞﹕金融服務界 徐聯安 工程界 盧偉國

上 / 下一篇新聞