港聞

港聞二

【Emily】陳梓維話選九西 網民嗌唔好

【明報專訊】選舉主任前日DQ(取消資格)12個立法會選舉參選人,油尖旺區議員陳梓維噚日凌晨喺facebook透露佢嘅不安,話「如果政權今日才DQ部分或全部九龍西的民主陣營plan a or b,哪九龍西如何是好!」於是佢想收集100個九龍西選區選民嘅提名,萬一九西戰友全軍覆沒,都可避免「保皇黨」自動當選,噚日佢已收夠提名並報名,不過傍晚政府就宣布押後至明年9月選舉。

對於陳梓維話參選,好多網民留言,語重心長咁話「唔好搞咁多嘢啦」,又話「係都係余德寶、胡穗珊、李傲然佢哋搞,你協助得啦。唔想你成為笑柄同畀藍絲恥笑我們」。

保釣行動成員嚴敏華喺陳維梓fb留言,曲直難分:「為咗羞辱中共,就係要選維維呢種班長都唔會選得掂嘅人出嚟做議員!」新民黨李梓敬喺fb幫手宣傳呢個消息,話「我哋最喜愛嘅維維,陳梓維宣布參選,實在太令人期待喇!」

叫人助籌5萬元選舉按金

除咗收提名,陳梓維亦叫人協助籌募選舉經費,特別係5萬元選舉按金。有網民就話支持佢選,但5萬元按金「唔該自己度掂佢」,話佢每月都拎緊3.4萬元區議員薪津。

相關字詞﹕區議員 九龍西 立法會選舉2020 陳梓維

上 / 下一篇新聞