港聞

港聞二

【Emily】網民質疑洗手歌抄嵐 食安中心話cosplay

【明報專訊】 疫情下出現形形色色嘅防疫宣傳,日本藝能界「尊尼事務所」推出洗手歌Wash Your Hands,搵嚟組合「嵐」5個男神一邊跳舞,一邊教大家點洗手。有網民近日發現本港食物安全中心facebook喺5月推出嘅一條短片,背景同動畫人物嘅動態同尊尼事務所「Wash Your Hands」影片好相似,認為係侵犯版權。Emily噚日專登去食物安全中心facebook睇一睇,但片段係無聲嘅。

食安仔:希望更多人記得洗手

食安中心嘅「食安仔」留言解釋,「其實片入面係我變身食安美男子cosplay日本男神呀」。食安仔話,見男神首歌咁貼題又咁受歡迎,諗住cosplay吓佢可以令更多人留意,令更多人記得洗手,注意個人衛生嘛!

網民:係咪誤會咗cosplay嘅意思

網民對呢個回應唔收貨,畀咗逾百個「嬲嬲」佢。有網民話「抄襲!抄襲!抄襲!仲好意思話係cosplay?你係咪誤會咗cosplay嘅意思?你唔係諗住改咗啲樣就唔係叫抄呀?要唔要番去再讀過書,重新讀過咩叫抄襲呀?」

相關字詞﹕抄襲 新型冠狀病毒肺炎 食物安全中心

上 / 下一篇新聞