【明報專訊】反修例風波期間，防暴警察出動處理示威時，都有市民發現警員喺制服或頭盔度黐上唔同款式嘅徽章，例如「警察勁揪」、「風林火山」字樣，亦有人黐過國旗章，令市民質疑警隊制服欠統一。Emily噚日睇警方最新一期《警聲》發現，警隊「PTU SHOP」推出新嘅魔術貼布章，四大款式包括水炮車、「銳武」裝甲車，仲有已退役嘅「沙利臣」同「殺神」裝甲車，每個盛惠25元。警隊亦出售另外兩款磁石襟章，上面寫有警方上年更新嘅座右銘「忠誠勇毅 心繫社會」。 相關字詞﹕銳武裝甲車 水炮車 警聲 機動部隊
