【明報專訊】新民黨立法會議員容海恩（Eunice）嘅老公袁彌昌，近排加入咗「希望聯盟」喺港島區做地區工作，日前擺街站就遇到南區區議員彭卓棋挑機，被質問有冇良知。Eunice噚日就話唔知呢件事，老公冇同佢講過，佢亦冇睇過條片。Eunice笑言，老公好易被人激到「扎扎跳」，不過返到屋企冇同佢講呢件事，可能冇當係一回事。佢之後睇番老公被挑機嘅片段，聽到老公話「無奈接受」港區國安法，就質疑老公行嘅「中間路線」，話其實冇中間，因為「兩邊（黃藍）都唔會覺得你係自己人」。
