港聞

港聞二

【Emily】民署指議員海報鼓吹革命 陳樹英:唔會跟進

【明報專訊】屯區區議員張可森喺辦事處張貼告示,內容提及「革命」嘅特訓同行動,日前遭民政事務總署指涉違反《區議員及區議會轄下委員會成員操守指引》,鼓吹革命行動,仲要求區議會主席陳樹英處理。陳樹英噚日話已收到民政總署嘅電郵,但佢話署方說法內容太粗略,無從跟進,仲反問民政總署點可單憑「革命」一詞而指議員違操守?

陳樹英噚日就投訴回覆民政總署署長,對於張可森議辦外貼出寫有「讓革命融入生活,以行動光復香港」嘅海報,陳樹英話,歷史上「革命」一詞用法多元,包括國父孫中山武裝推翻滿清政府嘅「辛亥革命」、標示生產方式機械化嘅「工業革命」、由毛澤東發動嘅「文化大革命」等,單憑提及「革命」就係「違反操守」,難免有上綱上線,或流於以言入罪,除非該署提供更有根據而詳盡嘅資料,否則唔會跟進事件。

陳樹英反問民政總署,張可森係點樣鼓吹革命、有咩內容?點解貼海報「鼓吹」就構成違反操守,要求署方解釋一下。

相關字詞﹕光復香港 時代革命 時光革命 文化大革命 區議會 張可森 陳樹英

上 / 下一篇新聞