港聞

港聞二

【Emily】陳曼琪倡訂《中國香港維持國安法》

【明報專訊】全國人大、政協兩會會議即將召開,大家關注會否討論香港《基本法》23條立法。港區人大代表陳曼琪噚日公布佢將喺兩會提出嘅建議,佢話就香港特區維護國家安全法律呈交建議,中央政府可以考慮根據基本法第18條,制定屬全國性法律嘅《中華人民共和國香港特別行政區維持國家安全法》,並將條法律列入基本法「附件三」,直接喺香港實施。

建制派立法會議員何君堯一直推動政府做23條立法,佢噚日去信特首林鄭月娥,懇請林太喺本屆立法會任期內完成23條立法,爭取喺7月16日或之前三讀通過《國家安全(立法條文)條例》,又話佢有份成立嘅「23同盟」,已經收集到200萬個支持23條立法嘅簽名。佢同林太講,「為23條立法並非什麼氛圍或時間問題,純粹是決心和意志而已」。

相關字詞﹕何君堯 陳曼琪 全國兩會

上 / 下一篇新聞