港聞

港聞二

【Emily】長江唔認同美芬 美娟唔認同長江

【明報專訊】建制派過往都好有隊形,不過陣營內都會有不同意見。噚日內會主席選舉後,建制派見記者,其間各議員互相話不同意大家言論。先係建制派「班長」廖長江唔認同經民聯梁美芬話,立法會主席梁君彥引用《議事規則》92條,並尋求外間意見支持其決定;其後工聯會麥美娟(Alice)就反駁廖長江,強調會議合法性唔係「公說公有理,婆說婆有理」。

噚日建制派見記者,梁美芬話梁君彥按《議事規則》92條為內會僵局提出解決方法,建議得到御用大律師支持,絕對有法理基礎;廖長江發言時話「美芬講嘅嘢,我有少少唔認同」,話應該調番轉,係立法會主席拎御用大律師意見、再根據其意見作決定,先衍生噚日內會由財會主席陳健波主持。

對於民主派表明不認受會議,廖長江就話「公說公有理、婆說婆有理」,有不同意見可以提出司法覆核;其後Alice就話要回應廖長江言論,「並唔係公說公有理、婆說婆有理,『理』喺立法會主席度,有法律根據」。

相關字詞﹕麥美娟 議事規則 梁君彥 法律 梁美芬 工聯會 建制派 司法覆核 立法會

上 / 下一篇新聞