港聞

港聞二

【Emily】感謝日本侵華論 「未必可以字面解釋」 楊潤雄為毛主席解畫

【明報專訊】DSE歷史科試題考到近代中國史,令到大家呢兩日對中國近代史料突然興趣大咗,《毛澤東外交文選》噚日就成為網上熱門選讀材料,有人引述文章話,偉大領袖都曾要「感謝日本皇軍」,因為侵華,令中國人醒覺,指毛澤東又話如果無日本侵華,共產黨唔會壯大,「也就沒有共產黨的勝利」。有記者噚日問教育局長楊潤雄點睇《毛澤東外交文選》,會唔會話毛主席傷害中國人民感情同尊嚴,要唔要都「深表遺憾」同「予以譴責」。

楊潤雄話,上述係毛澤東喺外交場合講嘅說話,又話相信每一段說話,表達時都有當時背景同環境,未必可以完全以字面解釋;探討該試題嘅爭議,同評論某一領導人嘅說話係咪正確,屬兩碼子嘅事。

唔少政界中人就將題目二次創作,民主黨副主席羅健熙話,又可唔可以考「文化大革命對中國利多於弊?」、「八年抗戰共軍貢獻高於國軍?」民建聯鄭泳舜就話,今次試題大前提完全錯晒,根本係扭曲歷史,侵華戰爭係罪行,係殺人行為,「怎可能有利多於弊討論空間!」

上 / 下一篇新聞