港聞

港聞二

【Emily】六四館下周推展覽 扣連反修例運動

【明報專訊】今年係六四31周年,喺疫情較為紓緩下,「六四紀念館」終於重開。今年紀念館有一個新主題展覽,扣連「八九六四」同「反送中」。支聯會話,去年香港掀起「反送中」運動,有好多人將運動同「六四」對比。紀念館由20號(下周三)開始推出新展覽,會透過唔同文物、展品同紀錄片等,比較兩場運動嘅異同,希望啟發學生,亦令佢哋多了解歷史,培養佢哋追求民主、普世價值嘅公民意識。

另一方面,支聯會亦推出「六四」31周年短片系列第2集《學運殤歌》,訪問喺六四時上京嘅時任學聯代表團成員林洋鋐(原名林耀強)。林洋鋐喺「六四」鎮壓時,身處北京天安門廣場,見到子彈橫飛,仲抱起當時垂死嘅「人民英雄」。轉眼31年,佢𠵱家就係協助「反送中」運動抗爭者嘅律師。

相關字詞﹕反送中 六四紀念館 支聯會 六四

上 / 下一篇新聞