港聞

港聞一

【疫境時刻】貧童成70物業屋主 廉租劏房助基層 識盡窮滋味 疫下減租播祝福

【明報專訊】童年飽受窮困折磨,每日在街市豬肉枱上做功課及休息,母親獨力照顧四兄弟姊妹,數十載過去,已退休的黃先生早已脫離貧窮生活,成為手持逾70個物業的大業主。脫貧的他顧念社會上的窮人,單位多以廉價租予基層,疫情下更與租客共渡時艱,減租半年,「睇住啲好慘嘅家庭,我想幫佢哋企番起身,呢啲回報大過金錢,嗰啲錢留番嚟祝福別人,特別係婦女孩童」。

明報記者 黃詩雅

九成租客基層 租金約市價一半

65歲的黃先生退休前與妻子經營電子廠生意,2008年開始購買物業及經營劏房,最初只因認為收租回報可觀,「但我太太好反對,佢覺得做分間房好似啲無良業主,租房畀窮人,水電費又收貴人,雖然佢反對但我繼續做,我話唔會做啲咁嘅人」,同年黃先生受洗成為基督徒,並決定將物業租給有需要的人。12年後的今天,他持有71個物業,包括60個劏房單位,超過九成租客為基層,租金約為市價一半。以渡船角約120呎劏房為例,市值租金約5000元,曾以約2000元租予一對母女。

「睇住啲好慘嘅家庭,我想幫佢哋企番起身,呢啲回報大過金錢,我可以食雪茄飲紅酒,可以坐頭等飛機,但我冇選擇咁樣做,嗰啲錢留番嚟祝福別人,特別係婦女孩童。」

童年家貧住街巿 豬肉枱做功課瞓覺

除了信仰,兒時經歷亦促使黃先生對基層家庭伸出援手,他憶述童年時家境十分窮困,父親不顧家,母親一手擔起整頭家,獨力照顧4個子女,「我細個好窮,好淒涼,住街市,200呎瞓6個人,做功課喺豬肉枱,休息墊報紙瞓豬肉枱,書做枕頭」。

他續說,「我第一個蘋果係一個爛蘋果,係朋友切開一半分畀我食」,兒時辛酸距今已數十載,黃先生憶述時仍難掩激動。

3月起決定減租半年 每名租客減兩成

受疫情影響,飲食、零售等行業重創,有基層更因此失業。有見及此,黃先生3月起決定減租,為期半年,每名租客獲減租約兩成,「我會諗(減租)6個月夠唔夠,係咪要extend(延長),不過至少呢刻畀啲支持有需要嘅人」,過往每月租金收入約18萬元,減租後他預計收入減少6萬元(寫字樓減半租)。黃先生4年前起與基督教無家者協會合作,出租5個單位作為臨時宿舍,租客最長可住3年,其中一個位於旺角彌敦道的單位,6人共住,每人平均月租2000元,3月起減租400元。

宿舍租客吳女士本來在酒樓洗碗,疫情下酒樓暫停營業,重開無期,目不識丁的她頓時手停口停,僅能靠積蓄過活,「唔係減一個月喎,係減半年」,得悉業主減租,受訪當日她連連向黃先生道謝。

放無薪假租客:盼更多人效法減租

另一租客、25歲的小英在甜品店工作,近日放了半個月無薪假,嘆說疫情爆發初期心情沉重,每日擔心自己會受感染,減租對她而言是一種支持,「好似業主本身擁有好多嘢,拎少少出嚟,對於我哋嚟講就似粒買唔起嘅朱古力」,她盼望社會上有更多人效法黃先生減租的做法。

(抗疫新階段)

相關字詞﹕疫境時刻

上 / 下一篇新聞